ورلڈٹی ٹوئنٹی کے سیمی فائنل میچ سے قبل ہندوستانی ٹیم کو اس وقت بڑا دھچکا لگا جب ٹیم کے اہم کھلاڑی یوراج سنگھ زخمی ہونے کے باعث ایونٹ سے باہر ہوگئے

یوراج سنگھ جن پر ٹیم کافی حدتک بھروسہ کرتی ہے ستائیس مارچ کو آسٹریلیا کے خلاف کھیلے گئے میچ میں زخمی ہوگئے تھے - بتایا جاتاہےکہ یوراج سنگھ کی جگہ بیٹسمین منیش پانڈے کو ٹیم میں شامل کیا گیا ہے - ہندوستانی ٹیم کے ڈائریکٹرروی شاستری نے اس بات کی تصدیق کردی ہے - روی شاستری نے بتایا کہ زخمی یوراج کی جگہ پندرہ رکنی ٹیم میں منیش پانڈے کو شامل کیا گیاہے - ہندوستان اور ویسٹ انڈیز کے درمیان دوسرا سیمی فائنل اکتیس مارچ کو ممبئی میں کھیلا جائے گا - پہلا سیمی فائنل نیوزی لینڈ اور انگلینڈ کے درمیان تیس مارچ کو کھیلا جائے گا -