مصر میں داعش سے وابستہ دہشت گرد عناصر نے کرویشیا کے باشندے کا سر قلم کر دیا ہے

فرانس پریس کی رپورٹ کے مطابق سفاک دہشت گرد گروہ داعش نے بدھ کے روز سوشل میڈیا پر ایک ایسی وڈیو جاری کی ہے جس میں ایک کروٹ باشندے کا سرقلم کرتے ہوئے دکھایا گیا ہے۔ اس رپوٹ کے مطابق " تومیسلاؤ سالوپک" نامی اکتیس سالہ کروٹ باشندے کو جو ایک فرانسسی کمپنی کا ملازم تھا، بائیس جولائی کو قاہرہ کے مضافاتی علاقے سے اغوا کیا گیا تھا۔ داعش گروہ نے اس شخص کی رہائی کے بدلے اڑتالیس گھنٹوں کے اندر
مصر کی جیلوں میں قید کچھ خواتین کی آزادی کا مطالبہ کیا تھا۔ بتایا جاتا ہے کہ اڑتالیس گھنٹوں کی مہلت گزشتہ جمعے کے روز ختم ہو گئی تھی۔ سعودی وہابی نظریات سے متاثر تکفیری دہشت گرد گروہ داعش، اب تک شام، عراق، لیبیا اور مصر سمیت دیگر علاقوں میں نہایت ہی سفاکانہ اور غیر انسانی جرا‏ئم کا ارتکاب کر چکا ہے۔