Sep ۲۰, ۲۰۱۹ ۰۹:۱۱ Asia/Tehran
  • تیونس کے خود ساختہ جلاوطن صدر زین العابدین بن علی انتقال کر گئے

تیونس کے ذرائع ابلاغ کا کہنا ہے کہ تیونس کے مفرور اورخود ساختہ جلاوطن صدر زین العابدین بن علی سعودی عرب میں انتقال کر گئے۔

فارس خبر رساں ایجنسی کی رپورٹ کے مطابق تیونس کے مفرور اورخود ساختہ جلاوطن صدر زین العابدین بن علی  سعودی عرب میں 83 سال کی عمر میں طویل علالت کے بعد انتقال کر گئے۔  بن علی گزشتہ کچھ عرصہ سے اسپتال میں داخل تھے اور تین ماہ سے انہیں انتہائی نگہداشت یونٹ میں رکھا گیا تھا۔

بن علی نے شمالی افریقہ پر 23 برسوں تک حکومت کی تھی ۔ دسمبر 2010 اور جنوری 2011 میں عوامی انقلاب کے بعد وہ سعودی عرب فرار کر گئے اور انہیں عہدہ چھوڑنا پڑا تھا ۔ اس کے بعد سے وہ سعودی عرب میں رہ رہے تھے ۔ انھیں تیونس کی ایک عدالت نے ان کی عدم موجودگی میں مالی بد عنوانی اور سیاسی شخصیات کو ٹارچر کرنے کے جرم میں 35 سال قید کی سزا سنائی تھی۔

ٹیگس

کمنٹس