ہندوستان کے ایک اعلی عہدیدار نے کہا ہے کہ ہندوستان کی تیل ریفائنریاں ایران کو تیل کے واجبات ادا کرنے کی تیاری کر رہی ہیں-

ارنا کی رپورٹ کے مطابق ہندوستان کے ایک اعلی عہدیدار نے اپنا نام ظاہر نہ کرنے کی شرط پر بتایا کہ ہندوستان کے فنانس سیکریٹری راجیو مہریشی نے رواں مہینے میں ملک کی تیل کمپنیوں سے کہا ہے کہ وہ ایران کو واجب الادا ستر کروڑ ڈالر کی دو قسطیں دینے کی تیاری کریں- واضح رہے کہ ہندوستان چین کے بعد ایرانی تیل کا سب سے بڑا خریدار تھا لیکن پابیدیوں اور تیل کی درآمد میں کمی کی وجہ سے ساتویں مقام پر پنہچ گیا- قابل ذکر ہے کہ ہندوستان کی کئی تیل کمپنیاں مجموعی طور پر ایران کی چھے اعشاریہ پانچ ارب ڈالر کی مقروض ہیں-