سری لنکا کے وزیر اعظم رانل وکرمہ سنگھے نے ہندوستان کا تین روزہ دورہ شروع کر دیا ہے-

شن ہوا کی رپورٹ کے مطابق سری لنکا کے وزیراعظم رانل وکرمہ سنگھے پیر کے روز ہندوستان کے تین روزہ دورے کے لئے نئی دہلی روانہ ہو گئے- سری لنکا کی وزارت خارجہ نے ایک بیان جاری کر کے اعلان کیا ہے کہ وکرمہ سنگھے نئی دہلی میں اپنے قیام کے دوران ہندوستان کے وزیر اعظم نریندر مودی اور صدر پرنب مکھرجی سے ملاقات کریں گے- مختلف شعبوں، خاص طور سے علاج معالجے اور صحت کے شعبوں، میں دو طرفہ تعلقات کو فروغ دینا اس دورے کا مقصد بتایا گیا ہے-