اردو کے معروف اور نامور شاعر ندا فاضلی کا پیر کو ممبئی میں انتقال ہوگیا ہوگیا

ندا فاضلی بارہ اکتوبر انیس سو اڑتیس کو دہلی میں پیدا ہوئے- ان کا پورا نام مقتدی حسن تھا - ندافاضلی نے پیرآٹھ فروری دوہزار سولہ کی دوپہر ساڑھے گیارہ بجے اٹھہتر سال کی عمر میں اپنی زندگی کی آخری سانس لی- ان کا انتقال حرکت قلب بند ہو جانے سے ہوا - ندافاضلی نے اپنا بچپن اور نوجوانی گوالیار میں گذاری اور وہیں انہوں نے تعلیم حاصل کی - انیس سوستاون میں گوالیار کالج سے گریجویشن کرنےکے بعد نوجوانی کی عمر سے ہی انہوں نے شعر کہنا شروع کر دیا تھا- ندافاضلی نے اپنی نظموں اور غزلوں میں ہندوستان کی گنگاجمنی تہذیب کو بیحد اجاگر کرنے کی کوشش کی ہے- انہوں نے اپنے اشعار میں لوگوں کو انسانیت کے لئے کام آنے کا بہت ہی خوبصورت انداز میں پیغام دیا ہے - ان کے اشعار انتہائی آسان اور سادہ زبان میں ہوتے جو لوگوں کے دلوں کو چھو جاتے -