ہندوستان میں ایران کے سفیر غلام رضا انصاری نے علاقائی اور عالمی سیاست میں اسلامی جمہوریہ ایران کے اہم اور فیصلہ کن کردار پر تاکید کی ہے۔

جمعرات کی شب نئی دہلی میں انقلاب اسلامی ایران کی سالگرہ کی تقریب سے خطاب کرتے ہوئے غلام رضا انصاری نے کہا کہ دنیا کو اس وقت فوجی، سیاسی اور ثقافتی لحاظ سے طاقتور ایران کی ضرورت ہے۔ ہندوستان میں ایران کے سفیر نے واضح کیا کہ ایران کا اسلامی انقلاب آج ایک ہمہ گیر اور عالمی انقلاب میں تبدیل ہو گیا ہے۔ انہوں نے کہا کہ دنیا بھر کے مستضعفین اور ستم رسیدہ لوگ اسلامی جمہوریہ ایران کی طرف دیکھ رہے ہیں بنابریں ایران اچھے حالات فراہم کرنے اور حقوق کی دستیابی میں ان کی مدد کی پوری کوشش کرے گا۔