ہندوستان کے زیر انتظام کشمیر میں فوجی قافلے پر ہونے والے حملے میں تین سیکورٹی اہلکار ہلاک اور متعدد دیگر زخمی ہو گئے۔

سری نگر سے موصولہ رپورٹ کے مطابق جموں و کشمیرکے ضلع بارا مولا کے علاقے خواجہ باغ میں ہندوستانی فوج کے ایک قافلے پر حملہ کر دیا گیا جس میں ایک پولیس اہلکار سمیت تین ہندوستانی فوجی ہلاک اورپانچ فوجی افسران زخمی ہو گئے۔

ہندوستان کی میڈیا رپورٹوں کے مطابق اس حملے کے بعد فوج نے سرچ آپریشن شروع کر دیا جبکہ حملہ آورں کے فرار ہونے کی بھی اطلاعات ہیں۔ ذرائع کا کہنا ہے کہ اب تک کوئی گرفتاری عمل میں نہیں لائی جاسکی ہے۔