جنوبی ہندوستان میں شدید گرمی کی لہر سے ایک سوسڑسٹھ افراد اپنی جان سے ہاتھ دھو چکے ہیں

ہندوستان کےمحکمہ موسمیات کی رپورٹ کے مطابق ہندوستان کی جنوبی ریاست تلنگانہ کےبعض علاقوں منجملہ بدراچالم، راما گوندام اور نال گنڈا میں درجہ حرارت چالیس ڈگری سینٹی گریڈ سے چھیالیس ڈگری تک رہا ہے اور اپریل سے اب تک گرمی کی شدت کے باعث ایک سو سڑسٹھ افراد ہلاک ہو چکے ہیں- اس رپورٹ کے مطابق ہندوستان کے اکثر علاقوں میں گذشتہ دنوں میں معمول سے زیادہ گرمی ریکارڈ کی گئی ہے اور دارالحکومت نئی دہلی کا درجہ حرارت بھی چالیس ڈگری سے زیادہ رہا ہے- دوہزار سولہ میں ہندوستان میں گرمی اور خشک سالی کے باعث تین سو افراد ہلاک ہوگئے تھے -