ہندوستان کی سب سے بڑی ریاست اترپردیش کے سہارنپور ضلع میں جاری نسلی تشدد کی وجہ سے انتظامیہ نے شہر میں دفعہ ایک سو چواّلیس نافذ کر دی ہے-

رپورٹ میں بتایا گیا ہے کہ صورتحال کو کنٹرول کرنے کے لئے انتظامیہ نے موبائل کمپنیوں کو میسج اور سوشل میڈیا پر روک لگانے کا حکم دے دیا ہے-

انتظامیہ کا کہنا ہے کہ سماج دشمن عناصر افواہ پھیلانے اور لوگوں میں خوف پیدا کرنے کے لئے انٹرنیٹ اور سوشل میڈیا کا استعمال کر رہے ہیں-

اس سے پہلے بدھ کو اترپردیش کی حکومت نے سہارنپور میں صورت حال کو کنٹرول کرنے میں ناکامی کی وجہ سے ڈی ایم اور ایس ایس پی کو سسپنڈ کر دیا تھا-

ادھر وزیراعلی یوگی آدتیہ ناتھ نے ریاست کے عوام سے اشتعال انگیز بیانات پر توجہ نہ دینے کی اپیل کی ہے- انہوں نے کہا کہ کچھ لوگ ریاست میں امن و سلامتی کی صورت حال خراب کرنے کی کوشش کر رہے ہیں-

اتر پردیش کے وزیر اعلی نے کہا کہ ریاستی حکومت ایسے سماج دشمن عناصر کا منصوبہ ہرگز کامیاب نہیں ہونے دے گی-