ہندوستان کی ریاست مدھیہ پردیش کے شہر مندسور میں کسانوں کےمظاہرے پر پولیس کی فائرنگ میں پانچ افراد ہلاک ہوگئے ہیں

ہندوستانی میڈیا نے خبردی ہے کہ ریاستی حکومت سے  واجبات کی ادائیگی کا مطالبہ کرنے والے کسانوں کا مظاہرہ منگل کو بھی جاری رہا اور مظاہرے نے اس وقت تشدد کی شکل اختیار کرلی جب مشتعل مظاہرین پر پولیس نے فائرنگ کردی - فائرنگ میں پانچ افراد ہلاک ہوگئے - اس واقعے کے بعد مظاہرین اور زیادہ مشتعل ہوگئے اور حالات بے قابو ہوگئے - صورتحال کی سنگینی کو دیکھتے ہوئے مندسور میں کرفیو لگادیا گیا ہے- دوسری جانب مندسور میں مظاہرین نے بھی کئی گاڑیوں اور موٹر سائیکلوں کو آگ لگادی ہے اور ایک ریلوے پھاٹک کو توڑ کراور ریلوے ٹریک کو بھی اکھاڑدیا جس سے ٹرینوں کی آمد و رفت بھی متاثر ہوئی ہے - واقعے کے فورا بعد ریاستی وزیر اعلی شیوراج سینگھ چوہان نے سیکورٹی حکام کا ہنگامی اجلاس طلب کرلیا ہے دوسری جانب اپوزیشن جماعت کانگریس پارٹی کے نائب صدر راہل گاندھی نے کہا ہے کہ حکومت ملک کے کسانوں سے جنگ کررہی ہے