ممبئی کے ایک ریلوے اسٹیشن پر بھگدڑ مچنے سے درجنوں افراد ہلاک اور زخمی ہوگئے

ممبئی کے ایلفنسٹن ریلوے اسٹیشن کے ایک پل پر بھگڈر مچنے کے نتیجے میں کم سے ستائیس افرادہلاک اور چالیس کے قریب زخمی ہوگئے۔ ہندوستانی ذرائع نے ہلاکتوں میں اضافے کا خدشہ ہے۔رپورٹوں کے مطابق ہندوستان کے ریلوے حکام نے بتایا ہے کہ ممبئی کے ایلفنسٹن ریلوے اسٹیشن پر یہ حادثہ لوگوں کے ہجوم اور تیز بارش کے باعث پیش آیا۔ممبئی کے ایلفنسٹن ریلوے اسٹیشن پر دفتر اور کام پر جانے والے لوگوں کا ہجوم ہوتا ہے۔ اسٹیشن کے پل پر بھگڈر مچنے کے باعث لوگوں نے نیچے چھلانگیں لگادیں جس کے نتیجے میں کئی افراد زخمی ہوگئے جبکہ  کئی کی ٹانگیں ٹوٹ گئیں۔ممبئی کے ریلوے حکام نے بھگدڑ مچنے کی وجہ نہیں بتائی ہے ۔