ہندوستان نے پاکستان کی جانب سے تین سو ساٹھ ماہی گیروں کی رہائی کے جواب میں تیرہ پاکستانی قیدیوں کو رہا کردیا ہے۔

میڈیا رپورٹوں کے مطابق حکومت ہندوستان نے چار ماہی گیروں سمیت تیرہ پاکستانی شہریوں کو قید کی مدت پوری ہونے کے بعد پاکستان کے حوالے کردیا ہے۔مذکورہ افراد کو ہندوستانی بارڈر سیکورٹی فورس کے عہدیداروں نے واگہ اٹاری سرحد پر پاکستانی حکام کے حوالے کیا۔حکومت پاکستان نےگزشتہ ماہ تین مرحلوں میں، خیر سگالی کے جذبے کے تحت تین سو ساٹھ ہندوستانی شہریوں کو آزاد کردیا تھا جن میں زیادہ تر ماہی گیر تھے۔