ہندوستان نے کرتار پور کوریڈور سے متعلق پاکستان کو نئے دور کے مذاکرات کی پیشکش کی ہے۔

رپورٹ کے مطابق ہندوستان نے پاکستان کو اس سلسلے میں گیارہ سے چودہ جولائی تک مذاکرات کی تجویز پیش کی ہے۔کرتارپور کوریڈور کے بارے میں دونوں ملکوں کے درمیان چودہ مارچ کو اٹاری میں مذاکرات ہوئے تھے۔پاکستان کے مشرقی علاقے میں واقع کرتارپور گردوارہ تک ہندوستان کے سکھ یاتریوں کی رسائی کے لئے ایک کوریڈور تیار کیا جا رہا ہے جس کے سلسلے میں ہندوستان اور پاکستان کے حکام کے درمیان مذاکرات ہو رہے ہیں۔واضح رہے کہ اس کوریڈور کے بارے میں ہندوستان کے سکھوں کی جانب سے کافی عرصے سے مطالبہ کیا جا رہا تھا۔