ہندوستان کی وزارت خارجہ ترجمان رویش کمار کے مطابق پاکستان کو ہتھیاروں کی فروخت کے فیصلے پر ہندوستان کے اعتراض سے نئی دہلی میں امریکی سفیر اور واشنگٹن میں حکومت امریکہ کو آگاہ کردیا گیا ہے۔ہندوستانی حکام کا کہنا ہے کہ پاکستان کو ہتھیاروں کی فروخت پر اعتراض کی غرض سے نئی دہلی میں متعین امریکی سفیر کو وزارت خارجہ میں طلب بھی کیا گیا ہے۔قابل ذکر ہے کہ حکومت امریکہ نے گزشتہ ہفتے پاکستان کو ایک سو پچیس ارب ڈالر کے ہتھیار فروخت کرنے کا اعلان کیا تھا۔امریکی وزارت جنگ پنٹاگون نے اپنے فیصلے سے کانگریس کو بھی آگاہ کردیا ہے۔