ہندوستان کے مرکزی وزیرقانون روی شنکر پرساد نے ڈاک میل سروس یکطرفہ طور پر بند کردینے کے پاکستان کے فیصلے پر تنقید کی ہے

ہندوستان کے وزیرقانون روی شنکر پرساد نے پیر کو ایک پروگرم میں خطاب کے دوران کہا کہ پاکستان کے ذریعے یکطرفہ طور پر ڈاک میل سروس بند کردینا ڈاک سے متعلق بین الاقوامی یونین کے ضابطوں کی خلاف ورزی ہے ۔ انہوں نے کہا کہ پاکستان نے ہندوستان کو اطلاع دئے بغیر ڈاک میل سروس بندکردی ہے - حکومت پاکستان نے اس سے پہلے سمجھوتہ ایکسپریس کو بھی بند کردیاتھا - ہندوستان کی مرکزی حکومت کے ذریعے جموں کشمیر کی خصوصی حیثیت ختم کئے جانے کے اعلان کے بعد پاکستان اور ہندوستان کے درمیان کشیدگی بڑھ گئی۔ جس کے بعد حکومت پاکستان نے ہندوستان کے ساتھ اپنے سفارتی تعلقات کی سطح کو کم کردیا ۔