دہشت گرد گروہ داعش کے خفیہ ٹھکانوں پرافغانستان کی فضائیہ کے حملے میں اس گروہ کے پانچ افراد مارے گئے-

ہمارے نمائندے کی رپورٹ کے مطابق افغانستان کے صوبہ ننگرہار کی پولیس کے ترجمان حضرت حسین مشرق وال نے کہا ہے کہ داعش کے یہ دہشت گرد اس صوبے کے علاقے نازیان میں افغانستان کی فضائیہ کے ہوائی حملے میں ہلاک ہوئے ہیں۔
ہلاک ہونے والوں میں تکفیری گروہ داعش کا ایک سرغنہ بھی شامل ہے-

 حال ہی میں افغانستان کی پارلیمنٹ کے ڈپٹی اسپیکرعبدالظاہر قدیر نے صوبہ ننگرہار میں داعش دہشت گردوں کے بڑھتے ہوئے اثر و رسوخ کے بارے میں خبردار کیا تھا-
ننگرہار، فراہ اور زابل ایسے صوبے ہیں کہ جہاں افغان حکومت نے بھی دہشت گرد گروہ داعش کی موجودگی کا اعتراف کیا ہے-