SAHAR

افغانستان کی حکومت نے پاکستان سے ملنے والی اپنی تورخم سرحد بند کردی ہے

خبروں کے مطابق تورخم سرحد افغانستان اور پاکستان کے حکام کے درمیان لفظی جنگ کے بعد بند کی گئی ہے - افغانستان کے صوبہ ننگرہار کے گورنر کے ترجمان عطاء اللہ خوگیانی نے اس خبر کی تصدیق کرتے ہوئے کہا کہ پاکستان تورخم سرحد کے قریب آہنی دیوار کھڑی کرنا چاہتا تھا مگر افغانستان نے ایسا نہیں کرنے دیا جو دونوں ملکوں کے درمیان لفظی جنگ کا باعث بنا 

صوبہ ننگرہار کے گورنر کے ترجمان نے اس امید کا اظہارکیا کہ یہ تنازعہ بات چیت کے ذریعےحل ہو جائے گا - ان کا دعوی تھا کہ اس قسم کے مسائل پاکستان کے اقدامات سے پیدا ہوتے ہیں -

پاکستان کی حکومت نے ایک عرصے سے تورخم بارڈر پر لوگوں کی رفت و آمد پر پابندی لگا رکھی ہے اور کسی کو بھی اس بارڈر سے گذرنے کی اجازت نہیں دے رہی تھی-