فلسطینیوں کی وطن واپسی سائیکل ریس پر صیہونی فوجیوں کی فائرنگ میں دسیوں فلسطینی نوجوان زخمی ہوگئے

فلسطین کی الرسالہ نیٹ نیوز سائٹ کی رپورٹ کے مطابق جمعے کو فلسطینی نوجوانوں نے بلعین نامی گاؤں میں وطن واپسی سائیکل ریس کا اہتمام کیا۔ وطن واپسی سائیکل ریس کا اہتمام، سرزمین فلسطین پر غاصب صیہونیوں کے قبضے کی برسی ، یوم نکبہ کی مناسبت سے کیا گیا تھا۔ اس رپورٹ کے مطابق صیہونی فوجیوں نے اس سائیکل ریس پر زبردست شیلنگ کی اور کئی راؤنڈ جنگی گولیاں چلائیں ۔ صیہونی فوجیوں کی وحشیانہ فائرنگ میں دسیوں فلسطینی نوجوان زخمی ہوگئے۔