افغانستان کی سینیٹ کے چیئرمین نے پاکستان سمیت علاقے کے بعض ملکوں پر کڑی نکتہ چینی کی ہے۔

تسنیم نیوز ایجنسی کے مطابق افغان سینیٹ کے چیئرمین فضل ھادی مسلم یار کا کہنا تھا کہ ان کے ملک کی زیادہ تر مشکلات کی وجہ یہ ہے کہ پاکستان سمیت بعض ہمسایہ ممالک کابل حکومت کے مخالفین کی حمایت کر رہے ہیں۔انہوں نے یہ بات زور دے کر کہی کہ دہشت گردی کے خلاف جنگ کو مشرق وسطی اور خاص طور سے افغانستان کے بارے میں امریکہ کی نئی اسٹریٹیجی کا حصہ ہونا چاہیے۔دوسری جانب انٹرنیشنل کرائسس گروپ نے اپنی ایک رپورٹ میں عالمی برداری سے افغانستان کی صورتحال پر توجہ دینے کی اپیل کی ہے۔