کابل کے سیکورٹی کمانڈر نے مظاہرین کو خبردار کرتے ہوئے اعلان کیا ہے کہ وہ سفارتی علاقوں اور صدارتی محل کے قریب جانے کی کوشش نہ کریں۔

آوا نیوز ایجنسی کی رپورٹ کے مطابق افغانستان کی تبدیلی تحریک کے مظاہرے پیر سے کابل میں شروع ہو گئے ہیں اور پولیس نے وسطی شہر، گرین زون اور سفارتی علاقے کی جانب جانے والی سڑکوں کو بند کر دیا ہے-

یہ مظاہرے، صوبہ بلخ کے گورنر اور تبدیلی کے لئے تشکیل پانے والے سہ فریقی اتحاد کے رکن عطا محمد کی جانب سے انتباہ دیئے جانے کے بعد شروع ہوئے ہیں-

مخالفین نے دھمکی دی ہے کہ جب تک ان کے مطالبات پورے نہیں ہوں گے اس وقت تک وہ مظاہرے جاری رکھیں گے-