امریکہ اور نیٹو نے ایک بار پھر افغانستان میں شادی کی تقریب کو صف ماتم میں تبدیل کردیا ہے۔ ۔

خبروں کے مطابق امریکی کمانڈ میں تعینات نیٹو کے ڈرون طیاروں نے مشرقی افغانستان کے صوبہ غزنی کے شہر قرہ باغ میں شادی کی تقریب پر بمباری کی ہے۔اس حملے میں کم سے کم دو افراد جاں بحق اور تین زخمی ہوئے ہیں۔ امریکہ اور نیٹو کی فوج اس سے پہلے بھی کئی بار افغانستان میں شادی کی تقریبات کو عزا میں تبدیل کرچکی ہے۔اس وقت افغانستان میں نیٹو کی چھتری تلے چودہ ہزار غیر ملکی فوجی تعینات ہیں جن میں گیارہ ہزار امریکی فوجی شامل ہیں۔حکومت امریکہ نے کانگریس سے افغانستان میں اپنے فوجیوں کی تعداد میں اضافے کی بھی درخواست کی ہے۔