افغانستان کے صدر اشرف غنی نے تمام افغان مہاجرین کی وطن واپسی کی ضرورت پر زور دیا ہے۔

کابل میں لویہ جرگہ سے خطاب کرتے ہوئے صدر اشرف غنی نے کہا کہ چالیس لاکھ سے زیادہ افغان مہاجرین بیرون ملک زندگی گزار رہے ہیں اور ان کی وطن واپسی کے بغیر ملک ادھورا ہی رہے گا۔
افغانستان کے صدر کا کہنا تھا کہ ان کی حکومت تمام افغان مہاجرین کی وطن واپسی کی خواہاں ہے لیکن مہاجرین کی واپسی کے لیے جن وسائل اور سہولتوں کی ضرورت ہے وہ اس کے پاس نہیں ہیں۔
صدر اشرف غنی نے کہا کہ ان کے ملک کو ناخواستہ جنگ کا سامنا ہے اور یہ جنگ افغانیوں نہیں بلکہ ان پر باہر سے مسلط کی گئی ہے۔