غاصب صیہونی حکومت کے جنگی طیاروں نے منگل کی رات غزہ پر وحشیانہ بمباری کی۔

فلسطینی ذرائع کے مطابق غاصب صیہونی حکومت نے جارحیت کا مظاہرہ کرتے ہوئے غزہ میں تحریک مزاحمت کے مراکز کو نشانہ بنایا ہے۔

صیہونی حکومت کے جنگی طیاروں کے حملوں کے بعد غزہ میں کئی دھماکوں کی آوازیں بھی سنی گئیں۔

غاصب صیہونی حکومت نے دسمبر دو ہزار سترہ سے غزہ کے علاقے کو وحشیانہ فضائی جارحیت کا نشانہ بنانے کا نیا دور شروع کیا ہے اور ان حملوں میں اب تک ہزاروں فلسطینی شہید و زخمی ہو چکے ہیں۔

واضح رہے کہ صیہونی حکومت نے دو ہزار چھے سے غزہ کا محاصرہ کر رکھا ہے جس کی بنا پر اس علاقے کو لوگوں کو شدید مشکلات کا سامنا ہے۔