اقوام متحدہ کے سیکریٹری جنرل نے جولان کی پہاڑیوں پر صیہونی حکومت کی جارحیت پر گہری تشویش کا اظہار کیا ہے۔

اقوام متحدہ کے سیکریٹری جنرل بان کی مون نے ایک بیان جاری کرکے کہا ہے کہ شام اور صیہونی حکومت کے مابین فائر بندی کی، کسی بھی قسم کی خلاف ورزی قابل مذمت ہے- واضح رہے کہ صیہونی فوج نے جولان کے علاقے میں واقع شامی فوج کے چودہ ٹھکانوں کو جارحیت کا نشانہ بنایا ہے- اقوام متحدہ کے سیکریٹری جنرل بان کی مون نے دونوں فریق سے اپیل کی ہے کہ حالات کو مزید کشیدہ نہ ہونے سے روکیں۔ واضح رہے کہ جولان کے علاقے پر صیہونی فضائی جارحیت میں پانچ افراد شہید جبکہ سات دیگر زخمی ہوئے ہیں۔