پاکستان نے ہندوستانی ہائی کمشنر اجے بساریہ کو ملک چھوڑنے کا حکم دے دیا ہے اور نئی دہلی میں پاکستانی ہائی کمشنرکو واپس بلانے کا فیصلہ کیا ہے

خبروں کے مطابق پاکستان کے وزیر خارجہ شاہ محمود قریشی نے  ایک  ٹی وی پروگرام میں کہا کہ ہم نئی دہلی میں اپنےہائی کمشنر کو واپس بلارہے ہیں اور ہندوستانی ہائی کمشنر کو واپس ان کے ملک بھیج رہے ہیں -  شاہ محمود قریشی نے کہا کہ قومی سلامتی کمیٹی کے اجلاس میں یہ بھی فیصلہ کیا گیا ہے کہ ہندوستان کے ساتھ تمام دوطرفہ معاملات کا از سر نو جائزہ لیاجائے گا اور پھر ان تعلقات کی سطح کو کم کریں گے - انہوں نے کہا کہ جموں کشمیر سے متعلق ہندوستانی اقدام کے خلاف سلامتی کونسل میں  بھی جانے کا فیصلہ کیا گیا ہے-