پاکستان کے صوبہ پنجاب کی پنجاب ڈیزاسٹرمنجمنٹ اتھارٹی کے بیان میں کہا گیا ہے دریائے ستلج میں پانی کی سطح مسلسل بلند ہورہی ہے جس کی وجہ سے سیلاب کا خطرہ پیدا ہوگیا ہے۔ پی ڈی ایم اے نے اس خطرے کے پیش نظر الرٹ جاری کردیا ہے۔ سیلابی صورتحال کے پیش نظر صوبہ پنجاب کے وزیراعلی عثمان بزدار نے ہنگامی اجلاس طلب کیا جس میں ہندوستان کی جانب سے دریائے ستلج میں پانی چھوڑے جانے کے بعد کی صورتحال کا تفصیلی جائزہ لیا۔ انہوں نے کہا کہ ہندوستان نے شیڈول کے بغیر ہی دریاؤں میں پانی چھوڑدیا جس کی وجہ سے دریائے ستلج اور دریائے سندھ میں پانی کی سطح بلند ہورہی ہے۔ اسی لئے دریاؤں کے کنارے رہنے والی آبادی کے لوگوں سے کہا گیا ہے کہ وہ محفوظ مقامات کی سمت چلے جائیں۔ ہندوستان کی طرف سے دریاؤں کا پانی چھوڑے جانے سے پاکستان کے مختلف علاقوں میں سیلاب آسکتا ہے۔