پاکستان کی نابینا کرکٹ ٹیم نے دکھائي امید کی کرن ... ہندوستان کو ہراکر جیت لیا فائنل
تین ملکی بلائنڈ کرکٹ ٹورنا منٹ پاکستان نے جیت لیا ہے۔
بنگلادیش کے دارالحکومت ڈھاکے میں کھیلے گئے تین ملکی بلائند کرکٹ ٹورنا منٹ کے فائنل میں پاکستان اور ہندوستان کا مقابلہ ہوا۔
رپورٹ کے مطابق اتوار کی شام کھیلے گئے، بلائنڈ کرکٹ ٹورنا منٹ کے فائنل میں پاکستانی ٹیم نے پندرہ اوور میں ، تین وکٹ کے نقصان پر ایک سو چوہتر رن بنائے ۔
پاکستان کے نثار علی انہتر رن بناکے ناٹ آؤٹ رہے جبکہ ظفر اقبال نے اڑتالیس رن بنائے ۔
پاکستان کی ٹیم نے ہندوستان کو جیت کے لئے ایک سو پچھتر رن کا ہدف دیا ۔
ہدف کے تعاقب میں ہندوستان کی ٹیم صرف ایک سو بارہ رن بناسکی ۔
اس طرح پاکستان نے یہ میچ جیت لیا۔
پاکستان کے ساجد نواز نے ہندوستان کے دو کھلاڑیوں کو آؤٹ کیا اور محمد شاہ اور شاہ زیب نے ایک ایک وکٹ لئے ۔ہندوستان، بنگلادیش اور پاکستان کے درمیان تین ملکی بلائنڈ کرکٹ میچ بنگلادییش کے بانی شیخ مجیب الرحمان کے یوم پیدائش کی سو سالہ تقریبات کے سلسلے میں منعقد ہوا۔
