ہندوستان اور آسٹریلیا کے درمیان جاری ٹی ٹوئنٹی سیزیز کا دوسرا میچ بھی ہندوستان نے جیت لیا ہے

میلبورن میں کھیلے گئے سیریز کے دوسرے میچ میں ہندوستان نے پہلے بیٹنگ کرتے ہوئے مقررہ بیس اوروں میں تین وکٹوں کے نقصان پر ایک سو چوراسی رن بنائے۔ ہندوستان کی طرف سے روہت شرما نے ساٹھ اور ویرات کوہلی نے آؤٹ ہوئے بغیر جارحانہ انداز میں انسٹھ رن بنائے- جواب میں آسٹریلیا کی ٹیم بیس اوروں میں آٹھ وکٹوں کے نقصان پر ایک سو ستاون رن بناسکی یوں ہندوستان نے تین میچوں کی یہ سیریز جیت لی ہے-

دو ہزار آٹھ کے بعد یہ پہلا موقع ہے کہ جب ہندوستان نے آسٹریلیا میں کوئی سیریز جیتی ہے- بہترین بیٹنگ کا مظاہرہ کرنے کی بناپر ویرات کوہلی کو مین آف دی میچ قراردیا گیا- پچھلے چھبیس سال میں ہندوستان نے آسٹریلیا کی سرزمین پر کرکٹ کے کھیلوں میں تیسری بار سیریز اپنے نام کی ہے-