مانچسٹر کے فٹبال اسٹیڈیم سے مشتبہ بیگ ملنے پر برٹش فٹبال لیگ کا آخری میچ ملتوی کر دیا گیا ہے۔

خـبروں کے مطابق اولڈ ٹریفورڈ اسٹیڈیم سے مشتبہ بیگ برآمد ہونے کے بعد اسٹیڈیم میں موجود تماشائیوں میں زبردست خوف و ہراس پھیل گیا تاہم سیکورٹی اداروں نے حالات کو کنٹرول میں لے لیا ہے۔

سیکورٹی اداروں نے اسٹیڈیم کو خالی کرانے کے بعد مزید اطمینان حاصل کرنے کے لیے سرچ آپریشن شروع کر دیا۔

مانچسٹر یونائیٹڈ اور بورن موتھ کے درمیان کھیلا جانے والا پریمیئر لیگ کا آخری میچ بھی ملتوی کر دیا گیا ہے۔ کہا جارہا ہے کہ یہ میچ سیکورٹی آپریشن مکمل ہونے کے بعد شروع ہو سکے گا۔