ماسکو میں کاراٹہ کے دوہزار انیس کے پریمیم لیگ ون کے بین الاقوامی مقابلوں میں ایران کی ٹیم نے سونے کے تین چاندی کا ایک اور کانسے کا ایک تمغہ جیت کر پہلی پوزیشن حاصل کی ہے

ارنا کی رپورٹ کے مطابق ماسکو دوہزار انیس کاراٹہ پریمیم ون کے مقابلوں میں دنیا کے پچاسی ملکوں کے چار سوبیالیس کھلاڑیوں نے حصہ لیا۔ یہ مقابلے جمعے کو شروع ہوئے اور اتوار کو اختتام پذیر ہوگئے - مقابلوں کے اختتام پر ایرانی کھلاڑیوں نے سب سے زیادہ تمغے حاصل کرکے پہلی پوزیشن حاصل کی۔ ایرانی کھلاڑیوں ذبیح اللہ پورشیب اور خواتین کے مقابلوں میں سارا بہمنیار اور رزیتا علیپور نے سونے کے تمغے حاصل کئے ، سجاد گنج زادہ نے چاندی اور بہمن عسکری نے کانسے کا تمغہ جیتا ۔ ماسکو دوہزار انیس کاراٹہ پریمیم لیگ میں اسپین نے دوسری اور جمہوریہ آذربائیجان نے تیسری پوزیشن حاصل کی ۔