پندرہویں ووشو کپ کے عالمی مقابلوں کے پینسٹھ کلوگرام کے ایونٹ میں ایرانی کھلاڑی الھہ منصوریان نے اپنی ترک حریف کو دو راؤنڈ سے ہرا کر سونے کا تمغہ اپنے نام کرلیا۔ اس سے پہلے انہوں نے لبنان اور فرانس سے تعلق رکھنے والی حریف کھلاڑیوں کو شکست سے دوچار کیا تھا۔ 

 پیر کے روز بھی دو خاتون ایرانی کھلاڑیوں شہربانو منصوریان اورمریم ہاشمی نے بھی سونے کے تمغے حاصل کیے تھے۔

ووشو کے عالمی مقابلوں میں مردوں کے ایونٹ میں ایرانی کھلاڑی محمد علی مجیری نے بھی سونے کا تمغہ حاصل کیا ہے۔

ووشو کے پندرہویں عالمی مقابلے انیس اکتوبر سے چین کے شہر شنگھائی میں شروع ہوئے تھے جو آج شام کو ختم ہوجائیں گے۔ ان مقابلوں میں دنیا کے ایک سو دو ملکوں کے چھے سو کھلاڑی حصہ لے رہے ہیں۔