امریکی وزیر جنگ نے اعتراف کیا ہے کہ افغان جنگ میں واشنگٹن کی فوجی اسٹریٹیجی ناکام ہوچکی ہے۔

امریکی وزیرجنگ جیمز میٹس نے سینٹ کی مسلح افواج کمیٹی کے اجلاس میں کہا ہے کہ افغان جنگ کا کوئی نتیجہ نہیں نکلا ہے اور وہ اس ملک میں امن و استحکام قائم کرنے میں ناکام رہا ہے۔
امریکی وزیر جنگ نے کہا کہ افغانستان کی صورت حال روز بروز بدتر ہوتی جا رہی ہے اور طالبان کے حملے بھی بڑھے ہیں۔
جیمز میٹس نے مزید کہا کہ افغان جنگ میں امریکہ کی ناکامی کی تلافی کے لئے امریکہ کو افغانستان کے سلسلے میں اپنی پالیسیوں پر نظر ثانی کرنا چاہئے اور مزید ہزاروں فوجیوں کو افغانستان بھیجنا چاہئے۔
ٹرمپ حکومت افغانستان میں اپنی پالیسیوں پر نظرثانی کر رہی ہے اور کہا جا رہا ہے کہ مزید تین سے پانچ ہزار امریکی فوجی افغانستان بھیجے جا سکتے ہیں۔