لندن میں سیاہ فام نوجوان کی ہلاکت کے خلاف پر تشدد مظاہرے
Jul ۲۹, ۲۰۱۷ ۰۳:۳۰ Asia/Tehran
لندن میں پولیس کی حراست میں سیاہ فام نوجوان کی ہلاکت کے خلاف بڑی تعداد میں شہری سڑکوں پر نکل آئے اور پولیس پر حملوں کے علاوہ توڑ پھوڑ بھی کی۔
برطانوی میڈیا کے مطابق پولیس کی حراست میں 20 سالہ راشن چارلس کی ہلاکت کے بعد بڑی تعداد میں شہری سڑکوں پر نکل آئے اور پولیس کے خلاف مظاہرے کئے۔ مظاہرین اورنقاب پوش افراد نے پولیس پر بوتلوں اور پتھروں سے حملہ کیا اور املاک کو نذر آتش بھی کردیا۔
فسادات پھیلنے کے خدشے کے پیش نظر مظاہرین کی ہیلی کاپٹر سے بھی نگرانی کی جا تی رہی ۔
واقعے کے بعد پولیس کی بھاری نفری کو طلب کر لیا گیا اور کنگز لینڈ روڈ کو ٹریفک کے لئے بند کر دیا گیا۔
واضح رہے کہ 20 سالہ راشن چارلس گزشتہ ہفتے لندن پولیس کی حراست میں ہلاک ہو گیا تھا۔ چارلس کے اہلخانہ اور دیگر افراد کا کہنا ہےکہ چارلس کو محض سیاہ فام ہونے کی وجہ سے ہلاک کیا گیا۔
ٹیگس
