SAHAR

امریکہ میں ریاست کنیکٹیکٹ کے بریڈلی بین الاقوامی ہوائی اڈے پر ہوائی جہازکے حادثے میں کم از کم 7 افراد ہلاک اور6دیگر زخمی ہوئے ہیں۔

حکام کا کہنا ہے کہ یہ حادثہ اس وقت رونما ہوا جب پروازکے تھوڑی دیر بعد طیارے نے مشکل پیش آنے کی اطلاع دی اور واپس لوٹ کر لینڈ کرنے کی کوشش کی تھی۔

بوئنگ -17 نامی اس طیارے میں دو پائلٹ ، ایک اسسٹنٹ اور 10 مسافر سوار تھے۔ 6 زخمیوں کو علاج کے لئے ہارٹ فورڈاسپتال میں داخل کرایا گیا ہے، جس میں سے تین کی حالت نازک ہے، جبکہ ایک شخص معمولی طور پر زخمی ہوا ہے۔