جنوبی افریقا نے پہلے ٹیسٹ میچ میں ہندوستان کو شکست دے دی

 سحرنیوز/کھیل:  کولکتہ میں کھیلے گئے ہندوستان اور جنوبی افریقا کے پہلے ٹیسٹ میچ میں ہندوستان کو شکست کا سامنا کرنا پڑا ہے۔

رپورٹ کے مطابق جنوبی افریقا کی ٹیم نے اتوار کو پہلے ٹیسٹ کے میچ کے تیسرے ہی دن میزبان ہندوستان کی ٹیم کو تیس رن سے شکست دے دی۔

اس جیت کا سہرا جنوبی افریقا کی ٹیم کے کپتان ٹیمبا باؤما اور ٹیم کے بولر سائمن بارمر کے سرجاتا ہے ۔

ٹیسٹ میچ کی دوسری اننگ میں جنوبی افریقا کی ٹیم کے کپتان پچپن رن بناکر ناٹ آؤٹ رہے اور بولر سائمن بارمر نے ہندوستان کے چار وکٹ لئے۔