خبری ذرائع نے روس کی طرف سے چھے مگ اکتیس جنگی طیارے شام کو دئیے جانے کی خبر دی ہے-

پریس ٹی وی کی رپورٹ کے مطابق ترکی کی ایک انٹرنیٹ سائٹ نے بتایا ہے کہ یہ طیارے دو ہزار سات میں روس اور شام کے درمیان ہونے والے معاہدے کے تحت شام کے حوالے کئے گئے ہیں- رپورٹ کے مطابق مگ اکتیس جنگی طیارے سابق سوویت یونین کے دور کی فضائیہ کے بنائے ہوئے سپر سانک طیارے ہیں جو دنیا کے سب سے تیز رفتار والے جنگی طیاروں میں شامل ہیں- دو ہزار سات میں ہونے والے معاہدے کے مطابق روس مزید دو مگ اکتیس جنگی طیارے شام کو دے گا-