SAHAR

عالم اردو بالخصوص برصغیر پاکستان و ہندوستان میں قرآنی ماحول سازی، امت اسلامیہ میں اتحاد و ہمدلی، قرآنیات کے میدان میں چھپی صلاحیتوں کو اجاگر کرنے اور ساتھ ہی نوجوانوں اور جوانوں کو قرآن کریم کی جانب راغب کرنے کے مقصد سے چار سال قبل 2021 میں اقرا بین الاقوامی قرآنی مقابلہ ’’سحر اردو ٹی وی تہران‘‘ پر شروع ہوا۔

بفضل خدائے سبحان ماہ رمضان میں منعقد ہونے والے اس مقابلے کا سلسلہ اس سال بھی جاری رہے گا۔

اس مقابلے کی افادیت کو زیادہ سے زیادہ بڑھانے کے لئے عالم اردو کے ممتاز قرآنی اساتذہ کی خدمات لی جاتی ہیں جو تجوید، حُسن الصوت (آواز کی خوبصورتی)، نغمات و الحان اور وقف و ابتدا کے نقطۂ نظر سے قاریان کرام کی پیش کردہ تلاوتوں کا جائزہ لینے کے بعد اپنے اصلاحی نکات سے بھی آگاہ کرتے ہیں۔

اس بار بھی برصغیر کے معروف اور سینیئر قاری استاد سید صداقت علی (پاکستان)، استاد محمد وجاہت رضا (پاکستان)، معروف قرآنی اسکالر حافظ ڈاکٹر سید مجتبیٰ رضوی (ہندوستان) اور معروف قاری اور معلم قرآن استاد عزادار عباس خان (ہندوستان) ججمینٹ کے فرائض انجام دے رہے ہیں جبکہ میزبان کے طور پر سید باقر رضا کاظمی اس ٹی وی شو میں موجود ہیں۔

’’اقرا‘‘ ماہ رمضان کی پہلی شب سے آخری شب تک اردو داں فرزندان اسلام کی میزبانی کرتا ہے اور مقابلے کی اختتامی محفل میں تین ممتاز قاریان کرام کو کیش انعام سے نوازا جاتا ہے۔ 

اس بار پہلی پوزیشن حاصل کرنے والے محترم قاری کے لئے 3000 یورو، دوسری پوزیشن حاصل کرنے والے محترم قاری کے لئے 2000 یورو جبکہ تیسری پوزیشن حاصل کرنے والے محترم قاری کے لئے 1000 یورو کا نقد انعام مقرر کیا گیا ہے۔

***

بس اہم نکتہ یہ کہ مقابلے کے ونر حضرات اپنے انعامات کو اپنے ملک میں ہی (یعنی جس ملک کے وہ شہری ہیں)، ہمارے نمائندہ دفتر کے ہاتھوں دریافت کر سکیں گے۔

***

اقرا قرآنی مقابلے 2025 میں شرکت کا طریقۂ کار جاننے کے لئے یہاں کلک کیجیئے۔

’اقرا ‘بین الاقوامی قرآنی مقابلے کے قوانین اور ضابطوں سے آشنا ہونے کے لئے کلک کیجیئے!

’’اقرا قرآنی مقابلہ 2025‘‘ کا پرومو