امریکہ کورونا میں ڈوب گیا، ایک لاکھ کے قریب افراد متاثر
Mar ۲۸, ۲۰۲۰ ۰۸:۰۶ Asia/Tehran
امریکہ میں کورونا سونامی نے تباہی مچا دی اور کورونا امریکہ میں تیزی سے پھیل رہا ہے۔
ارنا کی رپورٹ کے مطابق امریکہ میں کورونا وائرس کے معاملے ہر روز بڑھتے ہی جا رہے ہیں اور گزشتہ 2 گھنٹے کے دوران مزید 7 ہزار افراد کورونا میں مبتلا اور 80 افراد ہلاک ہو گئے اس طرح اس ملک میں کورونا سے متاثر ہونے والے افراد کی تعداد 93 ہزار 329 ہو گئی جبکہ امریکی وزارت جنگ کے 304 اہلکار بھی کورونا میں مبتلا ہوئے ہیں۔
اس طرح اب امریکہ کورونا میں مبتلا ہونے والے افراد کے حوالے سے چین سے آگے نکل گیا ہے۔
واضح رہے کہ گزشتہ برس دسمبر کے آخر میں چین کے ہوبئی صوبے سے کورونا وائرس کے معاملے شروع ہوئے تھے اور اب یہ وبا دنیا کے بیشتر ممالک میں پھیل چکی ہے۔
