عا لمی منڈی میں خام تیل کی قیمت پچھلے بارہ سال کے دوران اپنی کم ترین سطح پر پہنچ گئی ہے۔

ہمارے نمائند کے مطابق عالمی مارکیٹ میں خام تیل بتیس ڈالر سولہ سینٹ فی بیرل کے حساب سے فروخت ہو رہا ہے جو پچھلے بارہ سال میں تیل کی نچلی ترین قیمت ہے۔ اس سے قبل سن دوہزار چار میں خام تیل کی قیمت بتیس ڈالر فی بیرل تک پہنچ گئی تھی۔ ماہرین کا کہنا ہے کہ چین کی اسٹاک مارکیٹ میں گراوٹ کی وجہ سے اس کی معاشی ترقی کی شرح میں کمی واقع ہوئی ہے جو تیل کی طلب اور قیمتوں پر اثر انداز ہو رہی ہے۔ قابل ذکر ہے کہ چین دنیا کی دوسری بڑی معیشت اور تیل کا سب سے بڑا صارف شمار ہوتا ہے۔