ہندوستانی فوج کو اپنے ملک کے زیر کنٹرول کشمیر کی رائے عامہ کی حمایت حاصل کرنے میں ناکامی ہوئی ہے۔

ہندوستانی فوج کی شمالی کمان میں سولہویں کور کے جنرل آفیسر کمانڈنگ لیفٹننٹ جنرل ڈی ایس ہوڈا نے کہا ہے کہ فوج کو آپریشن سدبھاؤنا پر کروڑوں روپے خرچ کرنے کے باوجود کشمیریوں کے دلوں اور ذہنوں کو جیتنے میں ناکامی ہوئی ہے۔

ڈی ایس ہوڈا کا مزید کہنا تھاکہ ہندوستانی فوج کو نہ صرف کشمیری عوام کی طرف سے ہمدردی کی کوئی امید نہیں بلکہ فوج کی انٹیلی جنس اور آپریشنل صلاحیت پر بھی فرق پڑا ہے۔

یہ پہلی بار ہےکہ ہندوستانی فوج کے ایک اعلی افسر نے جموں کشمیر میں ہندوستانی فوج کی ناکامی کا اعتراف کیا ہے۔

واضح رہےکہ مسئلہ کشمیر پاکستان اور ہندوستان کا سب سے زیادہ متنازعہ مسئلہ ہے جو انیس سو سینتالیس میں دونوں ملکوں کی آزادی کے بعد ابھی تک حل نہیں ہو سکا ہے۔