ہندوستان کے زیرانتظام کشمیر میں سیکورٹی اہلکاروں پر مسلح افراد کے حملے میں کم از کم پانچ سیکورٹی اہلکار زخمی ہو گئے۔

رپورٹ کے مطابق ہندوستان کی پولیس نے اعلان کیا ہے کہ تین مسلح افراد نے سری نگر میں ریزرو پولیس کے ایک مرکز کو اپنے حملے کا نشانہ بنایا جس میں پانچ سیکورٹی اہلکار زخمی ہو گئے۔ ہندوستان کے سیکورٹی ذرائع کے مطابق اس حملے کے بعد مسلح حملہ آوروں اور ہندوستان کے سیکورٹی اہلکاروں کے درمیان جھڑپوں کا سلسلہ شروع ہو گیا اور سیکورٹی اہلکاروں نے حملہ آوروں کا محاصرہ کر لیا۔