اہندوستان کی شمال مشرقی ریاست بہار کے دارالحکومت پٹنہ میں گنگا دریا میں کشتی ڈوبنے سے کم از کم 21 افراد کی ہلاکت ہوگئی ہے۔

ارنا نے مقامی ذرائع کے حوالے سے خبردی ہے کہ اس چھوٹی سی کشتی پر 40 سے زیادہ افراد سوار تھے اور یہ حادثہ سنیچر کی شام کو اس وقت پیش آیا جب یہ لوگ فصل کی کٹائی کا جشن منانے کے لیے کشتی سے پتنگ بازی دیکھنے گئے تھے۔

ریسکیو ٹیموں نے اعلان کیا ہے کہ اس کشتی حادثے میں 6 افراد لاپتہ ہوگئے ہیں جن کی تلاش کا کام جاری ہے۔

مقامی ذرائع کا کہنا ہے کہ پٹنہ گھاٹ کی جانب واپس آنے والی اس کشتی پر حد سے زیادہ افراد سوار تھے۔