ہندوستان کے زیرانتظام جموں کشمیر میں مسلح افراد نے ایک کیش وین پر حملہ کرکے سات افراد کو ہلاک کردیا جبکہ نقدی بھی لوٹ کر فرار ہوگئے۔

سری نگر سے ہمارے نمائندے نے خبردی ہے کہ مسلح افراد نے کلگام میں بینک کی ایک کیش وین  پر حملہ کرکے سات افراد کو ہلاک کردیا جبکہ پچاس لاکھ کیش رقم بھی لوٹ کر لے گئے۔

ہلاک ہونے والوں میں پانچ پولیس اہلکار اور دوبینک ملازم شامل ہیں۔ مسلح افراد پولیس اہلکاروں کے اسلحے بھی لے کر فرار ہوگئے۔

جنوبی کشمیر کے ڈی آئی جی کے مطابق مسلح افراد نے پولیس اہلکاروں اور بینک ملازمین کو کیش وین سے باہر نکال کر قتل کیا۔ واقعےکے بعد جموں کشمیر کی پولیس جائے واردات پر پہنچ گئی اور مسلح افراد کی تلاشی کا کام شروع کردیا۔