ہندوستانی وزیر اعظم منگل کو تین روزہ دورے پر اسرائیل پہنچے ہیں-

صیہونی وزیراعظم نتن یاہو نے تل ابیب ائیرپورٹ پہنچ کر ہندوستانی وزیراعظم نریندر مودی کا استقبال کیا- یہ کسی بھی ہندوستانی وزیر اعظم کا پہلا دورہ اسرائیل ہے-

نریندر مودی کے اس دورے کوخود اسرائیل بہت اہم قرار دے رہا ہے-  نریندر مودی کےلئےاسرائیل میں ایسی خاص تقریب منعقد کی گئی کہ جس کا انعقاد اب تک صرف امریکی صدور اور پوپ کے لئے ہی کیا جاتا رہا ہے-

اس دورے کے دوران ہندوستان  کے وزیر اعظم نریندر مودی صیہونی حکومت کے صدر سے بھی ملاقات کریں گے- نریندر مودی کے اس دورے کے دوران ہندوستان اور اسرائیل کے سفارتی تعلقات کے پچیس سال بھی مکمل ہو رہے ہیں-

ہندوستانی وزیر اعظم نریندر مودی، چھے جولائی تک اسرائیل میں ہی رہیں گے- اس کے بعد جی ٹؤنٹی سربراہی اجلاس میں حصہ لینے کے لئے، وہ جرمنی کے ہیمبرگ جائیں گے-