ہندوستان کے وزیر مملکت برائے خارجہ امور نے چین کے ساتھ سرحدی کشیدگی کو سفارتی طریقے سے حل کئے جانے پر تاکید کی ہے۔

ہندوستان کے مرکزی وزیر مملکت برائے خارجہ امور وی کے سنگھ نے جمعرات کو پارلیمنٹ سے خطاب کرتے ہوئے چین کے ساتھ کشیدگی کم کرنے کے ہندوستان کے عزم کا ذکر کیا اور کہا کہ نئی دہلی، سکم کے دوکالا سیکٹر پر چین کے ساتھ کشیدگی کو پرامن طریقے سے حل کرنے کا پابند ہے۔
وی کے سنگھ نے کہا کہ حکومت ہندوستان سفارتی طریقے سے چین کے ساتھ سرحدی علاقوں میں امن و ثبات کے تحفظ کے لئے تعاون کرے گی۔

درایں اثنا ہندوستان کی قومی سلامتی کے مشیر اجیت ڈوبھال، برازیل، روس، ہندوستان، چین اور جنوبی افریقہ کے قومی سلامتی کے مشیروں کے اجلاس میں شرکت کے لئے چین کے دورے پر ہیں۔