ہندوستان کی وزارت خارجہ نے پاکستان کے ڈپٹی ہائی کمشنر کو طلب کیا اور کل پونچ سیکٹر میں پاکستانی فوج کی فائرنگ سے تین بچوں کی ہلاکت پر احتجاج درج کیا۔

سرکاری اطلاعات کے مطابق ہندوستان کی وزارت خارجہ نے پاکستانی ڈپٹی ہائی کمشنرسید حیدر شاہ کو رسمی طورپر احتجاجی مراسلہ دیا جس میں کہا گیا ہے کہ شہریوں کو نشانہ بنائے جانے کو قطعی قبول نہیں کیا جائے گا کیونکہ یہ انسانی سلوک کے خلاف ہے۔

احتجاجی خط میں بین الاقوامی سرحد کی کنٹرول لائن پر پاکستانی فوجی دستوں کے ذریعہ 2003 کے جنگ بندی معاہدے کی خلاف ورزی پر سخت تشویش کااظہار کیا گیا ہے۔

واضح رہے کہ چند روز قبل پاکستان نے بھی ہندوستان کے ڈپٹی ہائی کمشنر وی پی سنگھ کو وزارت خارجہ میں طلب کر کے لائن آف کنٹرول پرفائرنگ سے ہونے والی ہلاکتوں پر احتجاج کیا تھا۔