ہندوستان نے چین کی جانب سے دونوں ملکوں کے درمیان سرحدی شاہراہ بنانے میں بین الاقوامی ضابطوں پر توجہ دیئے جانے کی ضرورت پر تاکید کی ہے۔

ارنا کی رپورٹ کے مطابق حکومت ہندوستان نے ہفتے کے روز حکومت چین سے مطالبہ کیا ہے کہ وہ سرحدی تنصیبات اور سڑک بنانے کے سلسلے میں ہندوستان کی تشویش کو درک کرے اور اس سلسلے میں بین الاقوامی اصول کا پاس و لحاظ رکھے۔

دو ہزار سترہ میں چینی فوجیوں کی جانب سے سرحدی سڑک بنائے جانے کی مخآلفت میں چینی علاقوں میں ہندوستانی فوجیوں کے داخل ہو جانے اور ہندوستان کی ریاست سکیم میں واقع ڈوکلام کے علاقے میں چینی فوجیوں کی جانب سے دو ہندوستانی سرحدی حفاظتی ٹھکانوں کو مسمار کر دیئے جانے کے بعد دونوں ملکوں میں سخت کشیدگی پیدا ہو گئی تھی۔