ہندوستانی فوج نے پاکستان کے ایک ڈرون طیارے کو مار گرانے کا اعلان کیا ہے۔

ارنا کی رپورٹ کے مطابق ہندوستانی فوج نے اعلان کیا ہے کہ ہندوستان کے اینٹی ایرکرافٹ یونٹ نے ریاست راجستھان میں ہندوستانی فضائی حدود کی خلاف ورزی کرنے والے پاکستانی ڈرون طیارے کو مار گرایا ہے۔

ہندوستان اور پاکستان کے درمیان فوجی کشیدگی، جیش محمد سے موسوم دہشت گرد گروہ کی جانب سے پلوامہ میں ہندوستان کی سیکورٹی فورس پر کئے جانے والے حملے کے بعد بڑھ گئی ہے۔ اس حملے میں ہندوستان کے چوالیس سیکورٹی اہلکار ہلاک ہو گئے تھے۔

اس حملے کے بعد ہندوستان نے ایراسٹرائیک کر کے پاکستان میں تین سو دہشت گردوں کو ہلاک کرنے کا دعوی کیا تھا جسے پاکستان نے مسترد کر دیا۔