ہندوستان کے پارلیمانی الیکشن کے چوتھے مرحلے میں نو ریاستوں کی بہتر پارلیمانی نشستوں کے لئے پولنگ ہوئی۔

ہندوستانی میڈیا ذرائع کے مطابق چوتھے مرحلے کی پولنگ صبج آٹھ بجے شروع ہوئی اور شام اپنے مقررہ وقت پر ختم ہوئی۔ مغربی بنگال کے آسنسول پارلیمانی حلقے میں تشدد کے معمولی واقعے کو چھوڑ کر مجموعی طور پر پولنگ پر امن ماحول میں انجام پائی۔ البتہ بہار اور اڑیسہ میں ای وی ایم مشینیوں میں خرابی پائی جانے کی بھی رپورٹیں ملی ہیں۔

بتایا گیا ہے کہ مغربی بنگال میں چوتھے مرحلے میں بھی ووٹنگ کا تناسب دیگر علاقوں سے زیادہ رہا۔ مغربی بنگال میں پیر کو آٹھ پارلیمانی حلقوں میں ووٹنگ ہوئی۔

ووٹنگ کے چوتھے مرحلے میں بہتّر نشستوں کے لئے نو سو اکسٹھ امیدواروں کی قسمت کا فیصلہ ای وی ایم مشینوں میں بند کر لیا گیا۔
ہندوستان کے پارلیمانی انتخابات کے چوتھے مرحلے میں ہندوستان کے زیر انتظام کشمیر کے اننت ناگ پارلیمانی حلقے میں بھی ووٹنگ کا عمل انجام پایا جہاں پولنگ کا تناسب بہت کم بتایا گیا۔ یاد رہے کہ کشمیر کے حریت رہنماؤں نے عوام سے انتخابات کے بائیکاٹ اور ہڑتال کی اپیل کر رکھی ہے۔